雨天與皮鞋

24280wall

落雨對皮鞋嘅傷害可大可小。首先,皮革係一種怕水嘅物料,當皮革濕左,佢會變得容易受損,特別係鞋底,若果皮革鞋底係濕水後持續同地面磨擦,本身十幾年嘅壽命,隨時得返兩三年。另外,水有時甚至會令皮鞋鞋面出現水漬,甚至發霉,去到呢個階段,對鞋可以話係死左一半,要搵神醫先救得返。香港嘅雨季漫長得像永遠,雨天與皮鞋嘅關係要點處理?對於呢個難題,以下佬編有少少提議。

好多人會建議落雨唔好著皮鞋。若果你真係做到,其實唔需要再睇落去。但佬編明白,由讀書到出黎做野,皮鞋一早已成為好多男人生命中不可缺少嘅一部份。我嘅建議係,落雨時盡量唔好著皮底,而膠底嘅皮鞋,其實ok。而且個樣都唔差,正式場合著都唔會有大問題。

想對皮鞋抗水能力高,平時嘅保養一定要做足,刷鞋上鞋油係基本,每季最少做一次,越多越好。落雨鞋面濕左後,盡量用乾布抹一抹先,返到屋企再仔細抹,然後用鞋楦(shoe tree),將對鞋擺係通爽嘅位置,等佢自然乾,皮革鞋底嘅皮鞋用乾布或報紙墊一墊,千祈唔好用風筒or whatever有熱力嘅野烘乾佢。可以嘅話,俾對鞋抖一日,乾晒先再著。另外,可以買多支防水噴霧,係鞋面噴一層就ok,唔會完全防水,但好過冇。

萬一做齊上述所有野,第二日對鞋鞋面依然係有水漬或發霉,都唔使絕望,仲有得救嘅。如果鞋面有水漬,簡單嘅做法係,用返同色嘅鞋油「遮」左佢,記得要先確保對鞋乾晒。如果係發霉就麻煩少少。先要用鞋刷&牙刷,將每一個發霉位刷乾淨。然後用少少藥用酒精或「洗皮水」,輕力將成對鞋抹幾次。要注意,抹之前用鞋跟試試會唔會甩色先。最後就上鞋油,「省」返靚對鞋,有心機嘅話,上鞋油前可以用埋皮革滋潤膏,你對鞋遲下會報恩的。

或者你會覺得,一對皮鞋都要咁多功夫去保養,倒不如著到爛買對新算。但同牛仔褲一樣,shoes are meant to last。夜欄人靜時,試下花少少時間與你的皮鞋展開一場親密對話,將會係一個佬之浪漫嘅經歷,信我。

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s