2015年度傑出粉腸頒獎典禮

來到2015年最後一日,點都要做少少回顧。在諸君準備迎接2016之際,就讓我們一同重温今年的傑出粉腸,去片!

「粉腸」是「撚樣」的粵語諧音,換成英文的話,應該是「Dickhead 」更準確。Anyway,字面上,撚字有兩種解法, 一是撥弄之意,例如「撚狗」;至於另一個意思,諸君應該十分清楚,在此不贅。

徐錦江_解釋撚樣
撚樣,又唔洗真係一碌撚咁樣嘅…

不過所謂撚樣,又並非單純指有人個樣成真係成碌撚咁(上圖的徐錦江),反而一般用作形容一個摟打、面目可憎、賤格、好想睇佢仆街的人(下圖的689)。

689
真。撚樣示意圖

事不宜遲,以下1至5號傑粉,排名不分先後、由上至下、由左至右排好,即刻開始佬訊第一屆傑粉巡禮!

1. 佐敦打女男

第一位是於佐敦連摑女人七巴的男人。Well,不是說男人一定不可以打女人,但當街當巷打一個明顯比他弱小得多、不避不還手的女生,就正粉腸、人渣。喜歡打女人的話,何不到美國揾Ronda Rousey打返場?

ronda rousey
一拳打死你

 

2. 逼女賣身雞蟲

據說監獄中,犯風化之類案件的犯一入冊就會被人打到仆街,第二位傑粉就與這種尊尚待遇擦身而過。

他的同居女友涉嫌逼個女同富二代性交,而他本人就涉嫌恐嚇強姦女童。官司最後打甩,他春風得意,帶埋壹周刊記者上一樓一慶祝,仲話要請埋佢。片段中佢金句迭出,除左監𧄌,似乎都有做棟篤笑的潛質。

3. 釋智慧

shake.jpg
寶蓮寺前方丈-釋智慧

你以為宗教遠離俗世,香港佛教就不會受劣質文化影響嗎?曾任港區人大、坐擁資產以億計、炒股炒樓,個人年賺過千萬的釋大師示範俾你睇,做和尚才是廢青向上流動的最佳出路。

炒下樓最多都是六根不淨,但釋智慧縱容黑絲尼姑釋智定淘空定慧寺,但在大事大非前,諗住以一句「信佛就唔好搞咁多嘢」蒙混過關;名為「智慧」但記者質問時詐傻扮慒,呢兩點就足夠令佢在成粉之路上走埋最後一程。Same on you Master Shake!

4. 黃家強

You either die a hero, or you live long enough to see yourself become the villain。同689合唱後,黃家強回應指自己寧願不是Beyond一員,但事實是靠大哥黃家駒之名撈足咁多年,最近還要俾人整個騎呢3D黃家駒同佢一齊唱海闊天空賺廣告錢。有無諗過其實唔喺你唔想要做Beyond一員,而是已經無人想你喺Beyond一員?

Steve.jpg
黃家強與CG「家駒」

5. 陳百祥

lack
想笑死人咩

叻哥當然叻,2015就嚟埋尾都可以殺入傑出粉腸。上港台節目大談自己如果後生都可以創辦facebook,又話無12條A嘅喺廢人。

其實陳百祥除左收建制錢唱過首我至叻之外,佢有邊度真喺叻?叫聲你叻哥,喺見你有咁上下年紀咋。Anyway,深究這種事情,本身已經是一種折磨。

作為一條粉腸而又可以生存咁多年,陳百祥側面反映了本地娛樂圈不斷沉淪的不方便真相。

laughdie

 

2016…

沒有黑暗,不知道光明的可貴;沒有粉腸,無法突顯出人性的善良。除了以上的「公家粉腸」外,相信每個人都會有張私家list。美好的2016年近在咫尺,就讓我們一同對生命中的粉腸說聲fuck,然後頭也不回地走進2016吧。